Աշխարհում կորոնավիրուսով օրական վարակման դեպքերի ռեկորդային աճ է գրանցվել՝ 304 626, այդպիսի վիճակագրություն է հրապարակել Ջոն Հոփքինսի ամերիկյան համալսարանը:
Նախորդ ռեկորդը սահմանվել էր օգոստոսի 14-ին, երբ օրական գրանցվել էր վարակման 304 351 դեպք, նշում է Deutsche Welle-ն: Միևնույն ժամանակ, օրական գրանցված մահվան դեպքերը գրեթե կրկնակի կրճատվել են: Եթե օգոստոսի 14-ին մահացել էր կորոնավիրուսով վարակված 10135 հիվանդ, ապա անցած 24 ժամվա ընթացքում աշխարհում մահացել է 5637 մարդ:
Ընդհանուր առմամբ, վարակը հայտնաբերվել է աշխարհի ավելի քան 26.5 միլիոն մարդու մոտ: Առաջին տեղում ԱՄՆ-ն է, առաջին եռյակում են նաև Բրազիլիան և Հնդկաստանը:
Ռուսաստանը վարակվածների թվով չորրորդ տեղում է՝ ավելի քան մեկ միլիոն մարդ, իսկ մահացությունների թվով 12-րդը՝ 17 820 մարդ:
