Բելառուսի նախագահի պաշտոնում առաջադրված Սվետլանա Տիխանովսկայան կարճ ուղերձ է հղել բելառուսներին։ Տեսանյութը տեղադրվել է Instagram-ի նրա էջում:
Տիխանովսկայան ողջունել է բոլորին, ովքեր մտադիր են գալ «Միասնության երթին», որը Բելառուսում տեղի կունենա սեպտեմբերի 6-ին:
«Հիշեք, քանի դեռ միասին ենք, ուժեղ ենք»,- ասել է նախագահի նախկին թեկնածուն:
Օգոստոսի 9-ին Բելառուսում անցկացվեցին նախագահական ընտրություններ: Հանրապետությունում տեղամասերի փակումից հետո սկսվել են չարտոնված բողոքները արդյունքների կեղծման դեմ: Ընդդիմության թեկնածուների բոլոր շտաբները հայտարարեցին ընտրությունների պաշտոնական արդյունքները չճանաչելու մասին, նախագահի նախկին թեկնածու Սվետլանա Տիխանովսկայան հայտարարեց «իշխանությունը փոխանցելու Համակարգող խորհրդի ստեղծման» մասին:
Բելառուսի Գլխավոր դատախազությունը, Համակարգող խորհրդի ստեղծման հետ կապված, հոդվածով գործ է հարուցել, որը վերաբերում է երկրի ազգային անվտանգությանը վնաս պատճառելու գործողությունների կոչերին: