«Սպուտնիկ V» պատվաստանյութը կայուն հորմոնալ և բջջային իմունային արձագանք է ձևավորել կլինիկական հետազոտությունների մասնակիցների 100 տոկոսի մոտ: Այդ մասին ասվում է Ռուսաստանի ուղղակի ներդրումների հիմնադրամի (ՌՈւՆՀ) հաղորդագրության մեջ:
Սեպտեմբերի 4-ին ավելի վաղ The Lancet միջազգային գիտական առաջատար հանդեսը հրապարակել է COVID-19-ի դեմ ռուսաստանյան «Սպուտնիկ V» պատվաստանյութի կլինիկական փորձարկումների երկու փուլերի արդյունքները՝ հայտարարել են ՌՈւՆՀ-ում:
«Կլինիկական հետազոտությունների մասնակիցների 100 տոկոսի մոտ պատվաստանյութը ձևավորել է կայուն և՛ հորմոնալ, և՛ բջջային իմունային արձագանք»,-ասվում է հաղորդագրության մեջ:
«Դրա հետ մեկտեղ վիրուսաչեզոքացուցիչ հակամարմինների մակարդակը կամավորների մոտ, որոնք «Սպուտնիկ V»-ի պատվաստում են ստացել, 1,4-1,5 անգամ գերազանցել է այն անձանց հակամարմինների մակարդակից, որոնք հիվանդացել են COVID-19-ով: Համեմատության համար նշենք, որ AstraZeneca բրիտանական դեղագործական ընկերության՝ պատվաստում ստացած կամավորների և կորոնավիրուսային ինֆեկցիայով հիվանդացածների մոտ եղել է հակամարմինների մոտավորապես հավասար մակարդակը»,-ասվում է մամուլի տեղեկագրում:
Հաղորդագրության մեջ նաև նշվում Է, որ «Սպուտնիկ V» պատվաստանյութի կլինիկական հետազոտությունների առաջին-երկրորդ փուլերի արդյունքում լուրջ անցանկալի երևույթներ (СНЯ, Grade 3) չեն հայտնաբերվել չափանիշներից ոչ մեկի գծով այն դեպքում, երբ լուրջ անցանկալի երևույթների մակարդակը մյուս թեկնածու պատվաստանյութերի մոտ տատանվում Է 1 տոկոսից մինչեւ 25 տոկոս»: