Հայաստանը միշտ եղել է ԵԱՀԿ Մինսկի խմբի օրինապաշտ մասնակից: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Հովհաննես Իգիթյանը:
«Ես հիշում եմ Մինսկի խմբի գործընթացների առաջին փուլերը՝ 1990-ականների սկզբին, երբ գործընթացը սկսվեց, եղել է պայմանավորվածություն, այսպես մորատորիում, որոշ քայլեր անելու, որոնք կարող են խաթարել կամ տորպեդահարել, կասեցնել բանակցային փուլը: Սա էր պատճառը, որ մեր հիմնական օրենսդրական, իրավաքաղաքական դիվանագիտական հարաբերությունները Արցախի Հանրապետության հետ եղել են այն, ինչ եղել են այն ժամանակ»,-ասաց նա՝ անդրադառնալով Հայաստանի և Արցախի միջև ռազմաքաղաքական դաշինք կնքելու հնարավորությանը:
«Չնայած Ադրբեջանը շատ է խախտել պայմանավորվածությունները, բայց ապրիլյան պատերազմը բացահայտ էր թե ռազմական ճանապարհով հակամարտությունը լուծելու հարցում, թե խախտելու Մինսկի խմբի ամբողջ գործընթացը: Ապրիլյան պատերազմից հետո եղել են տարբեր մտքեր թե իշխանական դաշտում, թե ընդդիմադիր, որ եթե Ադրբեջանը խախտեց այս ձևով, Հայաստանն էլ կարող է մորատորիումի հետ կապված որոշ հարցեր խախտել և սդե յուրե անել այն, ինչը կա դե ֆակտո»«-ընդգծեց Իգիթյանը:
