Ինչպես հաղորդում է The Insider պարբերականը, ֆիննական VERIFIN լաբորատորիայից, որը Քիմիական զենքի արգելման կազմակերպության կողմից կենսաբանական նյութերի հետ աշխատելու համար հավատարմագրված հինգ եվրոպական լաբորատորիաներից մեկն է, կորել են 2015 թվականին Բուլղարիայում նյարդա-կաթվածային ազդեցության թույնով թունավորված ձեռնարկատեր Եմելյան Գեբրևի թունավորման վերաբերյալ բոլոր նյութերը:
Այն ժամանակ բժիշկները գործարարի մարմնում ֆոսֆորօրգանական նյութեր հայտնաբերեցին, ինչպես նաև միացություններ, որոնք հնարավոր չեղան նույնականացնել:
2019 թ.-ին Գեբրևը մի քանի հարցում է ուղարկել այս լաբորատորիա`Բուլղարիայի իրավապահ մարմիններին փորձանմուշներ տրամադրելու խնդրանքով, բայց պատասխան չի ստացել: 2020 թվականի ապրիլին նա նամակ գրեց Ֆինլանդիայի գլխավոր դատախազին, սակայն պատասխան ստացավ, որ գերատեսչությունն աշխատում է միայն Բուլղարիայի «իրավասու մարմինների» հետ:
Ինչպես պարզվում է, լաբորատորիան պարտավոր էր այդ նմուշները պահել հինգ տարի`մինչև 2020 թ. հունիսի 18-ը, սակայն նրանք հայտարարել են, որ ոչ մի նյութ չունեն: Միևնույն ժամանակ, VERIFIN- ում հրաժարվել են բացատրել նմուշների անհետացումը: Արդյունքում, օգոստոսի 25-ին, Բուլղարիայի իշխանությունները ստիպված են եղել դադարեցնել հետաքննությունը:
