Վրաստանի խորհրդարանի գործող պատգամավոր Հենզել Մկոյանը 2020-ի խորհրդարանական ընտրություններին կմասնակցի որպես պատգամավորի անկախ թեկնածու՝ Ախալքալաքի և Նինոծմինդայի ընտրատարածքներից:
Նա նման որոշում է կայացրել այն բանից հետո, երբ «Վրացական երազանք» կուսակցությունը հուլիսի 20-ին Ախալքալաքում և Նինոծմինդայում որպես մեծամասնական պատգամավորի թեկնածու առաջադրեց գործող պատգամավոր, «Վրացական երազանք» կուսակցության ցուցակով ընտրված Սամվել Մանուկյանին:
Հենզել Մկոյանը 1999թ.-ից Վրաստանի խորհրդարանի պատգամավոր է: Երկու անգամ առաջադրվել է նախաձեռնող խմբի, երկու անգամ՝ «Ազգային շարժման», իսկ 2016-ին` «Վրացական երազանք»-ի կողմից:
Վրաստանում 2020 թվականի խորհրդարանական ընտրությունները տեղի կունենան հոկտեմբերի 31-ին: