ՆԱՏՕ-ի գլխավոր քարտուղար Յենս Սթոլթենբերգը ռուսաստանցի ընդդիմադիր գործիչ Ալեքսեյ Նավալնիի թունավորման հետ կապված դեսպանների մակարդակով խորհրդակցություն է հրավիրել: Այս մասին Twitter-ում հայտարարել է դաշինքի պաշտոնական ներկայացուցիչ Օանա Լունգեսկուն: Հանդիպումը տեղի կունենա սեպտեմբերի 4-ին:
Հանդիպմանը կքննարկվեն «Նովիչոկ» խմբի թույնով Ալեքսեյ Նավալնիին թունավորելու մասին Գերմանիայի կառավարության հայտարարության հնարավոր հետևանքները: Դրանից հետո Սթոլթենբերգը հանդես կգա պաշտոնական հայտարարությամբ:
Եվրամիությունը, ԱՄՆ-ը և ՆԱՏՕ-ն դատապարտել են հանցագործությունը և խոստացել պատասխանատվության ենթարկել մեղավորներին: Ռուսական կողմը պատասխանել է, որ Գերմանիան չի արձագանքում համագործակցության առաջարկներին, իսկ թունավորման մասին հայտարարությունը փաստերով հաստատված չէ:
