Սեպտեմբերի 2-ին Արցախի Հանրապետության նախագահ Արայիկ Հարությունյանը լրագրողների հետ հանդիպման ժամանակ անդրադարձավ շատ հարցերի, այդ թվում նաև 2016թ. Ապրիլյան պատերազմի վերաբերյալ, նաև խոսեց Սամվել Բաբայանի՝ վաղօրոք արված հայտարարությանը՝ հինգ, այնուհետև երկու շրջաններ և մեկ միջանցք հանձնելու վերաբերյալ Սերժ Սարգսյանի ծրագրի մասին: Արայիկ Հարությունյանը վերահաստատեց Սամվել Բաբայանի հայտարարությունը:
Թեմայի շուրջ զրույցում անդրադառնալով այս դիտարկմանը՝ քաղաքագետ, Գլոբալիզացիայի և տարածաշրջանային համագործակցության կենտրոնի ղեկավար Ստեփան Գրիգորյանը, կարևորելով այդ հանդիպումը, նորընտիր նախագահ Արայիկ Հարությունյանի զրույցը գնահատեց որպես փայլուն հարցազրույց: «Կարևոր էր հասկանալ, թե Արցախի նոր իշխանություններն ինչ քաղաքականություն են որդեգրել: Արայիկ Հարությունյանը հաստատեց, որ Հայաստանի ու Արցախի միացումը վերջնական նպատակն է: Տակտիկական հարցերը շատ կարևոր են, և կարևոր է նաև, թե Արցախի իշխանություններն ինչպես են գնահատում այսօրվա իրավիճակը, 2016թ. Ապրիլյան պատերազմը, քանի որ Հայաստանում լուրջ շահարկումներ կան՝ դրանց հետ կապված: Եվ շատ կարևոր էր, թե այդ ամենի մասին ինչ է ասելու Արայիկ Հարությունյանը:
Մի քանի օր առաջ Արցախի անվտանգության խորհրդի քարտուղար Սամվել Բաբայանը ելույթ ունեցավ՝ առաջին ինֆորմացիոն դոզան տվեց մեզ… Արայիկ Հարությունյանի ելույթը շատ հաջող էր. նա ջախջախեց Սերժ Սարգսյանի ստերը՝ կապված Ապրիլյան պատերազմի հետ… »:
Մանրամասն՝ տեսանյութում: