Վրաստանի ՆԳՆ-ն օտարերկրյա գաղտնի ծառայությանը մեղադրել է երկրում տեղակայված ամերիկյան Lugar լաբորատորիայի վրա հաքերային հարձակման մեջ: Այդ մասին հայտնում է «Sputnik Georgia» – ն:
Ըստ ՆԳՆ կիբեռհանցագործությունների դեպարտամենտի՝ սեպտեմբերի 1-ին Առողջապահության նախարարության համակարգչային համակարգի վրա կիբերհարձակում է տեղի ունեցել: Հարձակման նպատակը եղել է կորոնավիրուսի համավարակի կառավարման վերաբերյալ տվյալների ձեռք բերումը ինչպես նախարարության կենտրոնական գրասենյակից, այնպես էլ նրա կառուցվածքային ստորաբաժանումներից՝ ներառյալ Ռիչարդ Լուգարի անվան հանրային առողջության հետազոտությունների կենտրոնից:
Բնօրինակ փաստաթղթերի մասը հայտնվել է օտարերկրյա կայքերից մեկում՝ կեղծված նյութերի հետ միասին, ինչի նպատակը հանրությանը վախեցնելն է:
Հաքերային հարձակումն իրականացրել է արտասահմանյան հատուկ ծառայություններից մեկը՝ պնդում է Թբիլիսին: «Հաջորդ մի քանի ժամվա ընթացքում Վրաստանի ՆԳՆ-ն կդիմի գործընկեր երկրների համապատասխան ծառայություններին` խնդրելով արդյունավետ օգնություն ցուցաբերել այս բարդ և հատուկ հանցագործության արագ և արդյունավետ հետաքննության համար»,- հայտարարել են նախարարությունում: