Ռուսաստանը չի զբաղվում «Նովիչոկ» խմբի քիմիական նյութերի արտադրությամբ, նման լաբորատորիաները գտնվում են Վրաստանում և ԱՄՆ-ում՝ ՌԻԱ Նովոստի-ին ասել է ՌԴ Պետդումայի պաշտպանության կոմիտեի նախագահի տեղակալ Յուրի Շվիտկինը:
«Եկեք ելնենք նրանից, որ մենք չենք զբաղվում մեր տարածքում նման քիմիական նյութերի արտադրությամբ: Քանի որ տեղեկատվություն կա, այդպիսի զենքեր, այդպիսի քիմիական թունավոր նյութեր առկա են Վրաստանի տարածքում գտնվող ամերիկյան լաբորատորիայում և Ամերիկայի Միացյալ Նահանգներում»,- ասել է Շվիտկինը:
Նա նաև նշել է անհրաժեշտության դեպքում Ռուսաստանի պատրաստակամությունը քննչական գործողություններին մասնակցելու համար և հավելել է, որ Ռուսաստանի գլխավոր դատախազությունը Գերմանիային առաջարկել է հրապարակել փորձաքննության արդյունքները:
«Մեզ առաջադրված մեղադրանքներն անհեթեթ են և չեն պարունակում որևէ փաստարկ, որևէ ապացույց, ևս մեկ անգամ շեշտվում է մեր երկրի վրա հարձակման կողմնակալությունը, որպեսզի շարունակվեն մեղադրանքները իբր Սկրիպալներին, Նավալնին թունավորելու մեջ և պատասխանատվության բեռը դրվի մեզ վրա», – ասել է պատգամավորը: