Եվրամիության նախագահ Շառլ Միշելը և ՆԱՏՕ-ի գլխավոր քարտուղար Յենս Ստոլտենբերգը Ռուսաստանին կոչ են արել հետաքննել Ալեքսեյ Նավալնիի հետ կատարվածը:
ՆԱՏՕ-ի անդամ երկրները մտադիր են խորհրդակցություններ անցկացնել Նավալնիի հետ կապված իրավիճակի վերաբերյալ,- Twitter-ի իր էջում գրել է Ստոլտենբերգը: Նրա կարծիքով, դեպքի վերաբերյալ վերջին մանրամասներն ավելի հրատապ են դարձնում վաղ հետաքննության անհրաժեշտությունը:
Իր հերթին, Շառլ Միշելը նույնպես կոչ է արել Ռուսաստանի կողմից հետաքննություն իրականացնել: Այս մասին նա գրել է Twitter-ի իր միկրոբլոգում:
Ավելի վաղ Գերմանիայի կառավարությունը հաղորդել էր, որ Նավալնիի օրգանիզմում «Նովիչոկ» խմբի նյութ է հայտնաբերվել: Միևնույն ժամանակ, գերմանական Charite հիվանդանոցի բժիշկները հայտարարել են, որ Նավալնիի մոտ խոլինեստերազի ինհիբիտորների խմբի նյութի տոկսիկացիա է եղել:
Ռուսաստանի իշխանություններն էլ իրենց հերթին նշել են, որ Ալեքսեյ Նավալնիի Գերմանիա տեղափոխվելուց առաջ նրա օրգանիզմում թունավոր նյութերի հետքեր չեն հայտնաբերվել:
