Գերմանիայի զինված ուժերի լաբորատորիան պարզել է, որ Ալեքսեյ Նավալնիին թունավորել են «Նովիչոկ» դասի ռազմական նյութով: Այս մասին ասվում է Գերմանիայի կառավարության կողմից հրապարակված հաղորդագրության մեջ՝ գրում է BBC-ն:
Հայտարարության մեջ նշվում է, որ Բունդեսվերի փորձագետները հետազոտել են Նավալնիի անալիզները Charite Berlin կլինիկայի թույլտվությամբ:
Գերմանիայի կանցլեր Անգելա Մերկելը և Գերմանիայի կառավարության կարևոր նախարարները չորեքշաբթի օրը արդեն հանդիպում են անցկացրել՝ հետագա քայլերը որոշելու համար:
Գերմանիայի կառավարությունը նշում է, որ Ալեքսեյ Նավալնիին ռազմական նյութով թունավորելը Ռուսաստանի տարածքում արդեն դուրս է բոլոր չափանիշներից: ԳԴՀ կառավարությունը դատապարտում է Ռուսաստանի ընդդիմության առաջնորդի հանդեպ մահափորձը և սպասում է պարզաբանումների Ռուսաստանի իշխանություններից:
Գերմանիան նախատեսում է նաև ԵՄ-ի և ՆԱՏՕ-ի գործընկերների հետ քննարկել Նավալնիի անալիզների ուսումնասիրության արդյունքները և համաձայնեցնել միջադեպի վերաբերյալ պատասխանը:
