Միացյալ Նահանգները մասամբ չեղարկել է Կիպրոսի Հանրապետության նկատմամբ զենքի բազմամյա էմբարգոն, ինչը Թուրքիան «դաշնակցային հարաբերությունների ոգուն չհամապատասխանող քայլ» է անվանել և իր կողմից քայլեր առաջարկել, հաղորդում է Reuters-ը:
Սեպտեմբերի 2-ին ԱՄՆ պետքարտուղար Մայք Պոմպեոն հայտարարել է, որ ԱՄՆ-ը մասամբ կչեղարկի Կիպրոսին զենք մատակարարելու 33-ամյա էմբորգոն և կընդլայնի համագործակցությունը Նիկոսիայի հետ անվտանգության ոլորտում:
Կիպրոս զենք մատակարարելու սահմանափակումները մտցվել են 1987թ.-ին՝ կայունությանը նպաստելու և «սպառազինությունների մրցավազքը» կանխելու համար:
«Կիպրոսի Հանրապետությունը Արևելյան Միջերկրական տարածաշրջանում մեր առանցքային գործընկերն է: Ուրախ եմ տեղեկացնել, որ մենք ընդլայնում ենք համագործակցությունն անվտանգության ոլորտում: Մենք հաջորդ ֆինանսական տարում կչեղարկենք Կիպրոսի Հանրապետությանը չթռչող պաշտպանական զենքի և ծառայությունների վաճառքի սահմանափակումները»,- հայտարարել է Մայք Պոմպեոն: