Tuesday, 17 05 2022
Շարմազանովի գլխավորած ցուցարարների խումբը հարձակվում են քաղաքացու վրա
Պաշոտնեական դիրքի չարաշահում «Հայանտառ» ՊՈԱԿ-ի նախկին տնօրենի կողմից. առաջադրվել է մեղադրանք
Ինչպես է Խաչատուրովի որդին փորձում փողոցը փակել աղբամաններով
Խուսափել քանդվող կայսրության փլատակների տակ մնալուց
«Պատգամավոր ա, թող գնա պատգամավորություն անի»․ քաղաքացին՝ փողոց փակած ցուցարարներին
10:50
ԿԺԴՀ-ի իշխանությունները կորոնավիրուսով վարակման շուրջ 270 հազար նոր դեպք են արձանագրել
Ողբերգական ավտովթար՝ Երևանում. մահացել է «Սոլո» ակումբի տնօրենը
10:30
Նավթի գներն աճել են – 16-05-22
Մարդու իրավունքների պաշտպանի դիտարկումները մայիսի 16-ին իրականացված հավաքների վերաբերյալ
ՀՀ ԱԳ նախարարը կմեկնի Բրյուսել
Երևանը պետք է հստակեցնի՝ Արցախի ի՞նչ կարգավիճակ է պատկերացնում․ ամենադրախտային պայմաններում Ադրբեջանի կազմում լինելը մեզ համար մահ է
Իվետա Տոնոյանը վերադարձել է. «Հրապարակ»
Ուղիղ. «Դիմադրության շարժման» բողոքի գործողությունները՝ վարչապետ Փաշինյան հրաժարականի պահանջով
09:30
Լեհաստանն արդեն ընդունել է 3,4 միլիոն ուկրաինացի փախստականների
Հայկական կողմն ուզում է ավելացնել Իրանից ներկրվող գազի ծավալները. Գնի շուրջ բանակցություններ են գնում  
Առանձին շրջաններում սպասվում է կարճատև անձրև և ամպրոպ, օդի ջերմաստիճանը կբարձրանա
Ցուցակով հաջորդ համարը ես եմ, բայց ձուկը ծովում բազար ենք անում, որ ի՞նչ․ Մարտուն Գրիգորյանը՝ Վանեցյանի ԱԺ չվերադառնալու հեռանկարի մասին
Պատմական հանդիպումը կայացել է. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Այսօր էլեկտրաէներգիայի անջատումներ են սպասվում Երևանում և 6 մարզում
Արևմուտք-ՌԴ դիրքային պայքարի նոր ալիքը. Բաքվի ու Երևանի նոր հյուրը
07:45
Մակքոնելն ակնկալում է, որ չորեքշաբթի օրը Սենատը կքվեարկի Ուկրաինայի օգնության փաթեթի վերաբերյալ
Էրդողանը հայտարարել է՝ Թուրքիան չի համաձայնի, որ Ֆինլանդիան և Շվեդիան անդամակցեն ՆԱՏՕ-ին
00:45
Կանադայի վարչապետը հույս ունի շարունակել ԱՄԷ-ի հետ սերտ համագործակցությունը
00:30
ԵՄ ԱԳ նախարարները կքննարկեն Ռուսաստանից նավթի էմբարգոն
Արմավիրի մարզպետն այցելել է Բամբակաշատ, քննարկել ներհամայնքային կարևորության խնդիրները
Սուրիկ Խաչատրյանի որդիների և այլ անձանց անօրինական վարորդական վկայականներ ստանալու դեպքի առթիվ հարուցվել է քրգործ
Մենք պետք է բոլոր ջանքերը ներդնենք խաղաղության օրակարգի հաղթանակի համար. Թագուհի Ղազարյան
Ոստիկանության գործողությունները դեռևս կոշտ չեն, և հույս ունեմ՝ այդքանով հանդերձ կկանխեն հետագա իրավախախտումները. Արմեն Խաչատրյան
ՌԴ ԱԳՆ-ն զգուշացնում է Շվեդիայի՝ ՆԱՏՕ-ին անդամակցելու «զգալի վնասի» մասին

Ինչու Քոչարյանի խափանման միջոցի վերաբերյալ բողոքը վարույթ չի ընդունվում, ինչ կապ ունի Սերժիկ Ավետիսյանը

Վճռաբեկ դատարանը երկու ամիս շարունակ վարույթ չի ընդունում Մարտի 1-ի գործով գլխավոր ամբաստանյալ Ռոբերտ Քոչարյանին կալանքից ազատ արձակելու մասին Վերաքննիչ դատարանի որոշման դեմ ՀՀ գլխավոր դատախազության բողոքը: Մարտի 1-ի գործով ամբաստանյալ Ռոբերտ Քոչարյանը 2 միլիարդ դրամ գրավով ազատ արձակվեց կալանքից հունիսի 18-ին։ Գլխավոր դատախազությունն այս որոշումը Վճռաբեկում բողոքարկել էր հունիսի 30-ին, սակայն Վճռաբեկ դատարանն առ այսօր անհասկանալի պատճառներով չի քննում բողոքը:

Մարտի 1-ի գործով տուժողի իրավահաջորդի ներկայացուցիչ, փաստաբան Արա Ղարագյոզյանն «Առաջին լրատվական»-ի հետ զրույցում նշեց, որ տուժողների իրավահաջորդների ներկայացրած բողոքը ևս վարույթ չի ընդունվել առ այսօր։ Նրա խոսքերով՝ ճիշտ է, օրենքի պահանջ է, որ Վճռաբեկը բողոքը վարույթ ընդունել-չընդունելու հարցը քննում է 3 ամսում, բայց առնվազն տարակուսելի է, որ նման կարևոր գործով բողոքը կարող է նման երկար ժամանակահատվածում չքննվել։ «Վճռաբեկ դատարանը երեքամսյա ժամկետում է քննում բողոքը վարույթ ընդունելու կամ մերժելու հարցը։ Վճռաբեկ դատարանը բոլոր գործերով է նման երկար ընթացակարգ պահպանում։ Բայց, քանի որ սա կարևոր գործ էր, Վճռաբեկը կարող էր արագ այդ հարցը քննարկեր, որովհետև շատ կարևոր գործ է, գլխավոր ամբաստանյալը դրսում, վկաները դրսում են, և որևէ մեկը չի կարող երաշխավորել, որ Քոչարյանը չի ազդելու այդ վկաների վրա։ Դրա զուգահեռ էլ տեսնում ենք, որ դատական նիստերը տեղի չեն ունենում։ Պաշտպանների միջնորդությունների պատճառով տուժող կողմը երկրորդ տարին է՝ չի կարողանում ի վերջո իր դիրքորոշումը ներկայացնել և հասնել նրան, որ մեղադրական եզրակացությունը հրապարակվի, ու մարդիկ տեսնեն, թե Մարտի 1-ին ինչ հանցավոր արարքներ են տեղի ունեցել»,- ասաց Ղարագյոզյանը։

Նշենք, որ Ռոբերտ Քոչարյանի խափանման միջոցի փոփոխության գործով Վճռաբեկ դատարանում զեկուցող դատավոր է նշանակվել Սերժիկ Ավետիսյանը, որը 2016 թվականից մինչև 2018 թվականը զբաղեցրել է նույն Վճռաբեկ դատարանի քրեական պալատի նախագահի պաշտոնը։ Արա Ղարագյոզյանը մեզ հետ զրույցում ասաց, որ, իմանալով Սերժիկ Ավետիսյանի անձը, նախորդ իշխանությունների հետ նրա կապերը, ապա բացարձակ չի զարմանում, որ Քոչարյանի խափանման միջոցի վերաբերյալ բողոքը վարույթ չի ընդունվել, կամ ձևական կընդունվի և կմերժվի։ «Որևէ երաշխիք չկա, որ նախկին իշխանությունների հետ կապերը չեն օգտագործվի, կամ դեր չեն խաղա այս դեպքում։

Բացառված չէ, որ դեռ մի ամսից էլ կսպասի Վճռաբեկը, մի քանի ամիս էլ կքննի այդ բողոքը, որ Քոչարյանը հնարավորինս երկար մնա ազատության մեջ։ Եվ, քանի որ Քոչարյանի պաշտպանները բոլոր տեղերում, բոլոր ատյաններում կարողանում են ժամերով, օրերով, տարիներով խոսել, կարող եմ ասել, որ որևէ ակնկալիք չունեմ ո՛չ Վճռաբեկից, ո՛չ էլ Սերժիկ Ավետիսյանից։ Ի վերջո, նա Վերաքննիչ դատարանում Նիկոլ Փաշինյանի վերաբերյալ գործը քննած դատավորն է եղել նախկինում»,- ասաց Ղարագյոզյանը։

Նշենք, որ Սերժիկ Ավետիսյանի կապը նախկինների հետ նաև խնամիական է։ Ավետիսյանի կինը՝ Էվելինա Ավետիսյանը, «Տաշիր գրուպ»-ի սեփականատեր Սամվել Կարապետյանի կնոջ` Էթերի Կարապետյանի քույրն է։ Սերժիկ Ավետիսյանն ու Սամվել Կարապետյանը, ով հենց մամուլի հրապարակումների համաձայն վճարել էր Ռոբերտ Քոչարյանի խափանման միջոցի փոփոխության համար կիրառված 2 միլիարդ դրամ գրավի մեծ մասը, «բաջանաղներ» են։ Առնվազն ֆանտազիայի ժանրից կլինի հավատալ այն, որ Սամվել Կարապետյանի դատավոր  բաջանաղը (քենակալ) կարող է յուր բաջանաղի փողերով ազատության մեջ հայտնված Քոչարյանի խափանման միջոցը համարել անհիման և փոփոխել այն։ Սերժիկ Ավետիսյանը մերժել է արդեն դատախազության կողմից ներկայացված ինքնաբացարկի միջնորդությունը։ Հենց այստեղից էլ գալիս է հարցի պատասխանը, թե ինչու վճռաբեկը վարույթ չի ընդունում Քոչարյանի խափանման միջոցի վերաբերյալ դատախազության ու տուժողների իրավահաջորդների ներկայացուցիչների բողոքները։

Սերժիկ Ավետիսյան ու իր ընտանիքը նաև բավական հարուստ են։ Նրանք պարբերաբար հարյուր հազար դոլարներով նվիրատվություններ են ստանում։ Նրանց հարստութան աղբյուրը կրկին Կարապետյան ընտանիքն է։ Սերժիկ Ավետիսյանը, 2012թ-ին ստացել է 50 հազար ԱՄՆ դոլարի նվիրատվություն՝ գույքի կամ գումարի տեսքով։ Նրա կինը՝ Էվելինա Ավետիսյանը, տարբեր տարիների ստացել է 16 մլն դրամի և 100 հազար ԱՄՆ դոլարի նվիրատվություն։ Դուստրը՝ Էդիտա Ավետիսյանը, 14,5 մլն դրամի նվիրատվություն է ստացել վերջին 3 տարիների ընթացքում։

Արա Ղարագյոզյանը ցավում է, որ իշխանությունը համակերպվեց մտքի հետ, որ այս դատավորները պետք է մնան և աշխատեն ու վճիռներ կայացնեն։ Համենայնդեպս, փոփոխությունների նշույլ, քայլ չի նկատվում։ «Հեղափոխությունից հետո մենք ունենք լեգիտիմ ձևավորված իշխանություն, բայց փոփոխությունները չեն նշմարվում։ Գոնե կարելի է այդ կարգում փոփոխություն անել, որ Վճռաբեկ դատարանն էլ, Վերաքննիչի պես, բողոքը ստանալուց անմիջապես հետո քններ այն։ Չի կարող 3-4 ամիս հետո քննել՝ կալանավորման հարցը հիմնավո՞ր է, թե՞ չէ։ Ի վերջո, կալանքը բացառիկ իրավունք է և այն պետք է անհապաղ քննարկել։ Օրենսդիր մարմինն էլ այստեղ անելիք ունի, բայց իշխանությունը, կարծես, համակերպվել է նաև այն մտքի հետ, որ Քոչարյանը կարող է մնալ ազատության մեջ։ Ամեն դեպքում, նման մեղադրանքով ամբաստանյալի ազատության մեջ գտնվելը ռիսկային է»,- եզրափակեց Արա Ղարագյոզյանը։

 

Բաժիններ
Ուղիղ
Լրահոս
Որոնում