Ամիսներ առաջ ամենաբարձր մակարդակով պայքար հայտարարվեց քրեական ենթամշակույթի՝ «օրենքով գողերի» դեմ։ Իսկ ի՞նչ ունենք այս մշակույթի դեմ պայքարում։
Դատախազության հունիս ամսվա տվյալներով՝ քրեական ենթամշակույթի դեմ պայքարի շրջանակներում արդեն 10 անձի մեղադրանք է առաջադրվել, որոնցից 6-ը կալանավորված է։ Ըստ ձեզ՝ որքանո՞վ է արդյունավետ ընթանում այս հայտարարված պայքարը․ «Առաջին լրատվական»-ի հարցին Եվրոպայի խորհրդի բանտային և պրոբացիոն համակարգերի փորձագետ Արշակ Գասպարյանը պատասխանեց․ «Առհասարակ, մենք այս օրինագիծը ներկայացնողների հետ միշտ ունեցել ենք երկու կոնֆլիկտ։ Առաջինը, որ ընդհանրապես, եթե մեր երկիրը գնում է քրեական արդարադատության թեթևացման, պատժողական քաղաքականության նվազման և վերականգնողական արդարադատության ճանապարհով, իսկ դա մենք ֆիքսել ենք Բանտային և պրոբացիոն համակարգերի բարեփոխման 2019-23 թթ․ ռազմավարությամբ, դատաիրավական բարեփոխումներով, ապա նոր արարք Քրեական օրենսգրքում մտցնելը լավագույն հասարակություն ստեղծելու լավագույն ձևը չի։ Այսինքն՝ Քրեական օրենսգիրքը կրթական չի՝ դաստիարակչական ֆունկցիա չունի։ Այս իմաստով՝ նոր հոդված ստեղծելու կարիքը չէինք տեսնում, որովհետև, նախ՝ այս ամենը Քրեական օրենսգրքի, եթե չեմ սխալվում՝ 223 հոդվածն իր մեջ ներառում էր։ Երկրորդ՝ Քրեական դատավարության օրենսգիրքը չէր արգելում մեզ այդ մարդկանց քրեական ենթամշակույթ սերմանելու պրոցեսը ևս ներկայացնել դատարանին։
Երկրորդ խնդիրն այն էր, որ հոդվածը հետաքրքիր նկարագրական հատված է, որը մի քիչ տեղիք է տալիս մտածելու, թե ինչպես է սա ապացուցվելու, բայց մյուս կողմից սա շատ պարզ բան է, որ պետք է ապացուցվի։ Այն, որ ԶԼՄ-ները հայտնում են, թե տեսեք՝ չի հաջողում օրենքը, նախ՝ իրականում պետք է հասկանան՝ իսկ ի՞նչ էինք ուզում անել»։
Մանրամասները՝ տեսանյութում։