Neuralink ընկերության ուղեղի չիպերը հաջողությամբ տեղադրվել են խոզի ուղեղում, շնորհանդեսի ժամանակ հայտնել է ընկերության ղեկավար Իլոն Մասկը:
Neuralink չիպերը չափսերով մետաղադրամից փոքր են և կարող են ամբողջությամբ թաքցվել տեղադրումից հետո, ասել է Մասկը: Չիպերի նախատիպերը տեղադրվել են խոզերի ուղեղներում, նրանցից մեկն արդեն երկու ամիս ապրում է չիպով:
Բացի այդ, շնորհանդեսի ժամանակ մի խոզ է ցուցադրվել, որի ուղեղից չիպը հաջողությամբ հեռացվել է՝ առանց վնասելու կենդանուն: Մեկ այլ խոզի ուղեղի մեջ հետազոտողները միանգամից երկու չիպ են տեղադրել, որպեսզի ցույց տան մի քանի սարքերի զուգահեռ աշխատանքի հնարավորությունը:
Neuralink չիպերը թույլ են տալիս վերահսկել ուղեղի զգայական կենտրոնների գործունեությունը անլար կապի ալիքի միջոցով, բացատրել է Մասկը: Նրա խոսքով՝ ապագայում այս տեխնոլոգիան կարող է օգնել մարդկանց, որոնք տառապում են գլխուղեղի կամ ողնուղեղի աշխատանքի խանգարումներով:
