Ես շատ լավ տեղյակ լինելով բանակցային գործընթացի տարբեր փուլերից, գիտեմ, որ տարբեր փուլերում տարբեր լուծումներ են քննարկվել, դրանք, բնականաբար, չեն համապատասխանել այն խնդիրներին, որոնք մեր առջև դրել ենք: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Տաթևիկ Հայրապետյանը՝ անդրադառնալով Արցախի անվտանգության խորհրդի քարտուղար Սամվել Բաբայանի հայտարարությանը, թե իր ձեռքի տակ կան փաստաթղթեր, որոնցով Սերժ Սարգսյանը բանակցել է, որտեղ շատ պարզ ու հստակ նշված է, որ 5 շրջանները հանձնում ենք, հետո 2 շրջան, հետո մի միջանցք, և որտեղ Ղարաբաղի կարգավորումը չի երևում և զորքեր են մտցնում՝ դա ապահովելու համար:
«Դրանք կոչում էին փոխզիջումային լուծումներ, բայց միաժամանակ, եթե չեմ սխալվում, Սերժ Սարգսյանն իր ասուլիսում նշեց, որ Ադրբեջանը երբևիցե չի պատրաստվում ճանաչել Ղարաբաղի անկախությունը՝ դրանով արդեն հնարավորությունը, թե մենք ինչ պետք է անենք, կարծում եմ՝ քննարկելու իմաստ չեմ տեսնում Ադրբեջանի մաքսիմալիստական քաղաքականության պարագայում»,-ասաց նա:
