Օգոստոսի 23-ին հանրահայտ Mezzo հեռուստաալիքի եթերում ցուցադրվեց Ռուդոլֆ Խառատյանի «Երկու արեգակներ» բալետային ներկայացումը, որի հիմքում Գրիգոր Նարեկացու «Մատյան ողբերգության» պոեմն է: Սցենարի հեղինակ և բեմադրող-խորեոգրաֆ Ռուդոլֆ Խառատյանը ներկայացնում է 4-21-րդ դարերի երաժշտությունը՝ Մեսրոպ Մաշտոցի, Գրիգոր Նարեկացու, Արամ Խաչատրյանի, Ալան Հովհաննեսի, Առնո Բաբաջանյանի, Ավետ Տերտերյանի և Աշոտ Արեյանի ստեղծագործությունները:
«Իմ նպատակը եղել է ներկայացնել Հայաստանը, որ աշխարհի ժողովուրդներն իմանան Հայաստանի մասին»,- «Առաջին լրատվական»-ի հետ զրույցում նշեց ՀՀ Ժողովրդական արտիստ, խորեոգրաֆ Ռուդոլֆ Խառատյանը: Նրա հավաստմամբ՝ առաջին անգամ են որպես կոմպոզիտոր ներկայացվում Մեսրոպ Մաշտոցը և Նարեկացին. «Ոչ մի բալետային ներկայացման մեջ նրանք չեն ներկայացվել, այս իմաստով հայերի արվեստն ու արժեքները ներկայացնելը կարևոր է… Բալետը շատ նուրբ աշխարհ է, որը դուռ է բացում դեպի անտեսանալեին»:
«Մենք աշխարհի մի մասն ենք, և աշխարհն առանց Հայաստանի չի կարող գնալ. առաջ»,- ընդգծեց Ռուդոլֆ Խառատյանը:
Մանրամասն՝ տեսանյութում:
