Բրիտանիան կոչ է անում լիարժեք և թափանցիկ հետաքննություն անցկացնել Ալեքսեյ Նավալնիի հետ կատարվածի վերաբերյալ՝ հայտարարել է վարչապետ Բորիս Ջոնսոնը Twitter-ի իր էջում:
«Հանցագործները պետք է պատասխանատվության ենթարկվեն, և Մեծ Բրիտանիան կմիանա արդարադատություն իրականացնելու միջազգային ջանքերին», – գրել է Մեծ Բրիտանիայի վարչապետը:
Հիշեցնենք, որ օգոստոսի 20-ին ինքնաթիռը, որով Նավալնին թռչում էր, շտապ վայրէջք է կատարել Օմսկում, որտեղից նրան տեղափոխել են հիվանդանոց: Օգոստոսի 21-ին բժիշկները հայտարարեցին, որ հիմնական ախտորոշումը նյութափոխանակության խանգարումն է: Այս պահին Նավալնին կոմայի մեջ է, նրան տեղափոխել են Գերմանիա: