Բելառուսի նախագահ Ալեքսանդր Լուկաշենկոն ֆինանսների նախարարությանը հանձնարարել է մտածել, անհրաժեշտության դեպքում, արտաքին պարտքը վերաֆինանսավորելու ուղղությունների մասին, փոխանցում է «ԲելՏա»-ն:
Լուկաշենկոն ֆինանսների նախարար Յուրի Սելիվերստովին հարցրել է, թե ինչպես է ընթանում այս հարցի կարգավորումը, որից հետո առաջարկել է մտածել, թե որ ուղղություններով են զարգացնելու հետագա աշխատանքները:
«Եթե մենք չենք վերաֆինանսավորելու, ինքներս գլուխ կհանենք, ուրեմն դուք պետք է ինձ զեկուցեք, թե ինչպես»,- ասել է նախագահը:
Նա նաև հայտարարել է, որ հանրապետությունում դժվար ժամանակաշրջան է՝ կորոնավիրուսի հետ կապված իրավիճակի և նախագահական ընտրությունների արդյունքների դեմ ընթացող բողոքի ցույցերի պատճառով:
