Ծնողները անհանգստացած են ԿԳՄՍ-ի սահմանած ուղեցույցից, համաձայն որի սեպտեմբերի 15-ից երեխաները պետք է հաճախեն դպրոց՝ պարտադիր դիմակ, դասամիջոցներին դասասենյակից դուրս չգալ, սոցիալական հեռավորություն, առանց տետրերի աշխատանք, սնվելը դասասենյակում և այլն։ Ծնողների խոսքով անհնար է սահմանել 100 տոկոսով վերահսկողություն, որպեսզի երեխաները չշեղվեն այս կանոններից։
Երևանի փողոցներում անցկացված հարցախույզի ժամանակ ծնողները բարձրաձայնում էին նաև այս ամենի պատճառով հնարավոր առողջական խնդիրների մասին և այլն։ «Մարտ ամսից մեր երեխաները տանը նստած են, դպրոց չեն գնում։ Գարնանից բոլորը բակում խաղում են։ Համավարակի թեժ օրերին էլ մեր երեխաները բակում խաղում էին առանց դիմակի։ Հիմա ինչ է փոխվել։ Բակում կարելի է առանց դիմակ խաղալ, շփվել, բայց հենց գնում են դասասենյակ՝ պետք է դիմակ դնեն։ Ես դա չեմ պատկերացնում»,-ասաց ծնողներից մեկը։
Մեզ հանդիպեցին նաև երեխաներ, ովքեր ևս համարում էին, որ դիմակով և մնացած սահմանափակումներով իհարկե դժվար կլինի դասապրոցեսը, բայց նախընտրում են դպրոց գնալ և շփվել ընկերների հետ։ Ավելի բարձր դասարանի երեխաներն էլ կողմ էին, որ դասապրոցեսը շարունակվի հեռավար, քանի դեռ համավարակը չի նահանջել։
Առավել մանրամասն՝ տեսանյութում