Նոր iPhone 12-ի գինը կտատանվի 700-ից 1400 դոլարի սահմաններում՝ կախված մոդելից և հիշողության ծավալից: Այս մասին հայտնում է iXBT.com-ը՝ հղում անելով Twitter-ում Komiya անվամբ օգտատիրոջը:
Ըստ աղբյուրի, սմարթֆոնի ստանդարտ ձևը գնորդին կարժենա 700-800 դոլար, խոշորացված էկրանով iPhone 12 Max-ը՝ 800-900 դոլար, iPhone 12 Pro-ն` 1000-1300, iPhone 12 Pro Max-ը`1100-1400 դոլար:
Գաջեթի նոր սերնդի բազային և Max մոդելները կունենան երկակի տեսախցիկ, iPhone 12 Pro-ն և iPhone 12 Pro Max-ն ավելի հզոր տեսախցիկներ կունենան:
Հրապարակման մեջ նշվում է, որ նախապես հայտարարվել էր 650 դոլար նախնական արժեքը: Հաշվի առնելով դա, նյութի հեղինակները ենթադրել են, որ 700 ԱՄՆ դոլար մեկնարկային գինը իրատեսական և արդարացված է հնչում, քանի որ սմարթֆոնը հագեցած կլինի լավ տեսախցիկով, 5G մոդեմով, մեծ ծավալի հիշողությամբ և 5 նանոմետրանոց Apple-ի A14 պլատֆորմով:
IPhone 12-ի շնորհանդեսը նախատեսված է սեպտեմբերին, իսկ վաճառքը կսկսվի դրանից մի քանի օր հետո: