Վրաստանում մեկ օրում կորոնավիրուսով վարակման 17 նոր դեպք է հայտնաբերվել: Տվյալները թարմացվել են կառավարության StopCov.ge կայքում:
Երկրում, համավարակի սկզբից ի վեր, ընդհանուր առմամբ, լաբորատոր կարգով հաստատվել է կորոնավիրուսով վարակման 1.411 դեպք: Նաև Վրաստանի 41 քաղաքացի արտասահմանից երկիր է ժամանել բուժման նպատակով: Ապաքինված հիվանդների թիվը չի փոխվել և կազմում է 1.132: Մահացել է 17 մարդ:
Ներկայումս երկրի քովիդ-կենտրոններում բուժում է ստանում 262 մարդ: Կարանտինում է գտնվում 6.8 հազար քաղաքացի, իսկ ստացիոնարներում, բժիշկների հսկողության տակ է՝ 269 մարդ:
Ըստ Վրաստանի հիվանդությունների վերահսկման և հանրային առողջության ազգային կենտրոնի տվյալների, օգոստոսի 22-ի դրությամբ երկրում PCR մեթոդով թեստավորվել է ավելի քան 333.1 հազար մարդ: Կատարված PCR թեստերի ընդհանուր թիվը 338.2 հազար է: