Լիբանանում իրավիճակը շարունակում է ծայրահեղ լարված և ծանր մնալ: Բեյրութի նավահանգստի պայթյունից հետո պարբերաբար տեղի են ունենում բողոքի զանգվածային ցույցեր, թեպետ փորձագետներից շատերը կանխատեսում էին, որ ժողովուրդը չի գնա այս ճանապարհով և ստեղծված բարդ իրավիճակում չի պահանջի գործող իշխանությունների հրաժարականը, բայց մարդիկ, այնուամենայնիվ, դուրս եկան փողոց:
Ուշագրավ է նաև, որ Հաագայի դատարանն օրեր առաջ հրապարակել է Լիբանանի նախկին վարչապետ Ռաֆիկ Հարիրիի սպանության գործով դատավճիռը, ըստ որի ապացուցյներ չկան առ այն, որ Սիրիայի իշխանությունները և Հըզբոլլահը ուղիղ մասնակցություն են ունեցել վարչապետի սպանությանը:
Տարածաշրջանային զարգացումների համատեքստում մյուս կարևոր իրադարձությունը Իսրայելի և Արաբական Միացյալ Էմիությունների միջև կնքված գործարքն է ՝ միտված երկու երկրների հարաբերությունների բարելավմանը: Գործարքը կնքվել է ԱՄՆ-ի միջնորդությամբ: Ինչ իրավիճակ է այժմ Լիբանանում, արդոք բողոքի ակցիաները ինքնաբուխ են, թե ուղղորդված ինչ-ինչ ուժերի կողմից, ինչ ազդեցություն կունենա Հարիրիի սպանության գործով դատավճիռը երկրում ստեղծված իրավիճակի վրա, ինչպիսին է լինելու Իրանի նոր դերը լիբանանյան զարգացումների համատեքստում, ինչ նշանակություն ունի ԱՄԷ-Իսրայել գործարքը Հայաստանի համար: Այս և մի շարք այլ հարցերի շուրջ «Առաջին Լրատվականը»-ը զրուցել է արաբագետ Արմեն Պետրոսյանի հետ:
