ԱՀ մարդու իրավունքների պաշտպանի աշխատակազմը հետազոտություն է կատարում Արցախում կորոնավիրուսով պայմանավորված արտակարգ իրավիճակում մարդու իրավունքներին առնչվող հիմնախնդիրների վերաբերյալ, որն ընդգրկելու է բոլոր հիմնական իրավունքները՝ առողջության պահպանման, անձնական ազատության, ազատ տեղաշարժի, կրթության, սոցիալական ապահովության, աշխատանքի և մի շարք այլ իրավունքներ: Այդ մասին ֆեյսբուքյան իր էջում տեղեկացրել է Արցախի ՄԻՊ Արտակ Բեգլարյանը:
Նա նաև նշել է.
«Եթե կան անձինք, ովքեր արտակարգ իրավիճակում բախվել են մարդու իրավունքների խախտումների և պատրաստ են կիսվել մեզ հետ իրենց փորձառությամբ (բուժում, մեկուսացում, ինքնամեկուսացում, տեղաշարժ, աշխատանք և այլն), կխնդրեի կա՛մ գրել մեր ֆեյսբուքյան էջին և տալ հեռախոսահամար, կա՛մ էլ աշխատանքային ժամերին զանգահարել մեր 116 թեժ գծին: Տվյալները հավաքագրվելու և կիրառվելու են անանուն կերպով: Ցանկացած առնչվող տվյալի (խնդրի) ներկայացում արժեքավոր կլինի մեզ համար, որպեսզի կարողանանք խնդիրներն ու պատճառները հնարավորինս արդյունավետորեն ախտորոշել ու առաջարկել համապատասխան լուծումներ՝ կանխելու համար մարդու իրավունքների հետագա հնարավոր խախտումները»:
https://www.facebook.com/artak.beglaryan/posts/3455434434494769
