Իսրայելում 16-ամյա աղջիկը 30 տղամարդու մեղադրել է բռնաբարության մեջ: Ոստիկանությունը հետաքննություն է սկսել, հաղորդում է The Times of Israel-ը:
Աղջկա ցուցմունքի համաձայն, միջադեպը տեղի է ունեցել Էյլաթում: Աղջիկը ժամանակ է անցկացրել ընկերուհու և ծանոթների հետ՝ օգտագործելով ալկոհոլային խմիչքներ: Ինչ-որ պահի նա ցանկացել է զուգարան գնալ և մտել է հյուրանոցի համարներից մեկը, որտեղ էլ նրա վրա անհայտ տղամարդիկ են հարձակվել:
Այս պահի դրությամբ, կասկածյալներից ոմանք արդեն կալանավորված են: Նրանցից մեկի խոսքով, աղջիկն ինքը չի հրաժարվել ինտիմ հարաբերություններից: Հաղորդվում է, որ հսկիչ տեսախցիկները ֆիքսել են համարի մոտ առաջացած հերթը, որտեղ, ենթադրաբար, բռնաբարել են աղջկան:
Սկանդալային պատմությունն արդեն վրդովմունքի ալիք է առաջացրել Իսրայելում: Դեպքի վերաբերյալ խոսել է նաև երկրի վարչապետ Բենիամին Նեթանյահուն: Պետության ղեկավարը նշել է, որ սա հանցագործություն է ոչ թե աղջկա, այլ մարդկության դեմ, և կոչ է արել պատասխանատվության ենթարկել բոլոր մեղավորներին:
