Տրանսպորտային ոստիկանությունը հայտնաբերել է այն նյութը, որով թունավորել են Ալեքսեյ Նավալնիին: Այս մասին հաղորդել է Կոռուպցիայի դեմ պայքարի հիմնադրամի տնօրեն Իվան Ժդանովը:
Ըստ նրա, ոստիկանության աշխատակցուհին հրաժարվել է իրեն և Նավալնիի կնոջը՝ Յուլիային, հայտնել նյութի անունը՝ պատճառաբանելով դա հետաքննության գաղտնիությամբ: Սակայն նշել է, որ այս նյութը մահացու է ոչ միայն Ալեքսեյ Նավալնիի, այլև նրա շրջապատի համար, «շրջապատում բոլորը պետք է լինեն պաշտպանիչ հագուստներով», ասել է նա:
Օմսկի հիվանդանոցի գլխավոր բժիշկը, ըստ Ժդանովի, ի պատասխան ոստիկանության հաղորդագրության, ասել է. «Դե, գտել են՝ գտել են»:
Նավալնիի կինն ասել է, որ չի վստահում Օմսկի թիվ 1 շտապօգնության հիվանդանոցին, որտեղ գտնվում է նրա ամուսինը: Նա կարծում է, որ բժիշկները քաղաքական գործչին պահում են կլինիկայում և թույլտվություն չեն տալիս նրան բուժման համար Եվրոպա տեղափոխել, «որպեսզի քիմիական նյութը, որը գտնվում է Ալեքսեյի օրգանիզմում, անհետանա»: