Բելառուսը մտադիր է բարեկամական հարաբերություններ կառուցել Ռուսաստանի և Եվրամիության հետ և ցանկանում է կամուրջ լինել նրանց միջև հարաբերություններում, հաղորդում է «Ինտերֆաքս» -ը՝ վկայակոչելով հանրապետության մշակույթի նախկին նախարարի և խորհրդի անդամ Պավել Լատուշկոյի խոսքերը:
«Բելառուսում վերջին քաղաքական գործիչը կլինի նա, ով պատ կկառուցի մեր և Ռուսաստանի միջև: Ռուսաստանի հետ տնտեսական, առևտրային համագործակցությունը համապատասխանում է Բելառուսի պրագմատիկ շահերին այնպես, ինչպես և համագործակցությունը Եվրամիության հետ », – ասել է Լատուշկոն:
Քաղաքական գործիչը նշել է, որ խորհրդի անդամները հանրապետությունը որպես «ամուր կամուրջ» են տեսնում, որը Ռուսաստանը կապելու է Արևմտյան Եվրոպայի հետ:
Նա նաև կոչ է արել Ռուսաստանի Դաշնությանը և ԵՄ-ին՝ համակարգող խորհրդի անվտանգության երաշխավորները դառնալ, հակառակ դեպքում Բելառուսի քաղաքացիները կարող են կորցնել վստահությունը ինչպես Մոսկվայի, այնպես էլ Մինսկի նկատամամբ։
Բելառուսում կայացած նախագահական ընտրություններում նախագահի թեկնածու Սվետլանա Տիխանովսկայան օգոստոսի 14-ին հայտարարեց հանրապետությունում ընդդիմության համակարգող խորհրդի ստեղծման մասին: Ներկայումս Տիխանովսկայան գտնվում է Լիտվայում: