Կուրսկի շրջանի Գորշենսկու կենտրոնական տարածքային հիվանդանոցի բժիշկները ողջ հիվանդին ուղարկել են դիահերձարան՝ սխալմամբ համարելով նրան մահացած, հայտնել են առողջապահության տարածաշրջանային հանձնաժողովից: Հաջորդ առավոտյան կնոջը ողջ են հայտնաբերել:
Դեպքի հանգամանքները ստուգվում են: Այժմ կինը գտնվում է Կուրսկի կլինիկական հիվանդանոցում:
«Կուրսկի Իզվեստիան» նշում է, որ կինը բժշկական հաստատություն է ընդունվել որովայնի ցավի բողոքներով: Սկզբում նրա մոտ կասկածում էին աղիքային խանգարումներ, այնուհետև նրան մոտ ուռուցք և մետաստազներ են հայտնաբերել: Կատարվել է վիրահատություն, որի ընթացքում կինը կլինիկական մահ է տարել: 30-40 րոպե կնոջը փորձել են վերակենդանացնել: Այնուհետև կնոջը համարել են մահացած և տեղափոխել են դիահերձարան:
Նշվում է, որ կնոջը ողջ է հայտնաբերել դիահերձարանի բժիշկը: Առողջապահության համակարգում գտնվող աղբյուրը բացատրել է, որ հաստատությունն ուղեղի գործունեությունն արձանագրող սարքավորումներ չունի, ուստի անհնար է ճշգրիտ որոշել մահվան փաստը:
Հաղորդվում է նաև, որ վերակենդանացման բաժնի բժիշկը, որն արձանագրել է հիվանդի «մահը», իրավիճակը շատ մոտ է ընդունել սրտին և սթրեսի պատճառով մի քանի անգամ կորցրել է գիտակցությունը:
