Ֆուտբոլի Չեմպիոնների լիգայի խաղարկության կիսաեզրափակչում Մյունխենի «Բավարիան» կապիտուլյացիայի ենթարկեց «Բարսելոնային»։ Խաղի հենց մեկնարկին թիմերը փոխանակվեցին մեկական գնդակներով: Նախ՝ «Բավարիայից» աչքի ընկավ Մյուլլերը, հետո էլ ինքնագոլի հեղինակավ դարձավ գերմանական ակումբից Ալբան: Առաջին կեսի ընթացքում «Բավարիան» ևս երեք անգամ գրավեց «Բարսելոնայի» դարպասը: Նորից աչքի ընկավ Մյուլլերը, Պերիշիչը, Գնաբրին: Երկրորդ կեսում Լուիս Սուարեսը կարողացավ կրճատել հաշվի տարբերություն, սակայն գերմանական թիմից Կիմիխը հաշիվը դարձրեց 2:5: Խաղակեսի ավարտին Ռոբերտ Լևանդովսկին և Կոուտինյոն (դուբլ) խփեցին գերմանացիների 6-րդ, 7-րդ և 8-րդ գնդակները: «Բավարիա»-«Բարսելոնա»` 2:8: Նման հաշիվներ Չեմպիոնների լիգայում և առավել ևս փլեյ-օֆում գրեթե չեն գրանցվում։
Նույիսկ Չեմպիոնների լիգայի որակավորման փուլում 8։2 հաշիվը արտառոց երևույթ է։ Նման ոչ ֆուտբոլային հաշիվներ գրանցվում են թերևս Հայաստանում առաջին խմբի առաջնությունում։ 8։2, 9։2 նույնիսկ 12։0 հաշիվները վաղուց արդեն սովորական են դարձել մեզ համար։ Չմոռանանք նաև, որ վերջին պաշտոնական խաղում Հայաստանի ազգային հավաքականը 9։1 հաշվով զիջել էր Իտալիային։ Բնական է, որ երեկվա խաղից հետո ոմանք գրանցված հաշիվը համեմատում են հայկական թիմերի գրանցած հաշիվների հետ։ Մասնավորապես, խոսվում է, որ հայկական թիմերը մենակ չեն և «Բարսելոնայի» պես թիմը ևս կարող է նման խայտառակ արդյունք գրանցել։ Այո, զուտ հաշվի առումով «Բարսելոնան» և «Բավարիան» հավասարվեցին հայկական ակումբներին, բայց․․․։ Հիշեցնենք, որ հիմք ընդունելով ՈւԵՖԱ-ից ստացված զեկույցները ՀՖՖ-ն դադարեցրել էր Առաջին խմբի առաջնությունը, իսկ 5 ակումբների ու 58 անձանց որակազրկել տարբեր ժամկետներով։ Ցավոք երեկվա խաղից հետո էլ ոմանք այն կարծիքին են, որ գրանդ ակումբները այսպես ասած ղումար են խաղացել։ Թե որտեղից մեր հայրենակիցներին նման տեղեկություն, դժվար է ասել։
Ցավոք մեր երկրում ֆուտբոլային արատն այնքան է խորացել, որ շատերն ուղղակի չեն հավատում, որ արդար խաղի պայմաններում կարող է գրանցել 8։2 հաշիվ։ Նման մարդկանց հակառակը համոզելն բավական դժվար է։ Իսկ ինչ տեղի ունեցավ իրականում։ «Բարսելոնան» չդիմանալով ճնշմանն ուղղակի փլուզվեց։ «Բարսելոնայի» ֆուտբոլիստները չկարողացան ոտքի կանգնել և շարունակել պայքարը։ Իսկ «Բավարիան» շարունակեց խփել։ Ընկածին չեն խփում հայտնի թեզը մի կողմ դնելով՝ «Բավարիան» ուղղակի կապիտուլյացիայի ենթարկեց մրցակցին։ «Այսօր բոլորը համոզվեցին, որ մենք շատ խնդիրներ ունենք ակումբում: Մենք պետք է շատ փոփոխություններ կատարենք:Հավատում էինք, որ կարող ենք հաղթել «Բավարիային», բայց նրանք մեզանից շատ ավելի լավն էին: Իհարկե, սա մեծ հիասթափություն է, ոչ միայն ինձ համար, այլև ամբողջ թիմի համար։ Նշեմ սակայն, որ «Բարսելոնան» աշխարհի ամենաուժեղ ակումբներից է, ուստի մենք պետք է անենք հնարավորինը արագ ոտքի կանգնելու և հաղթանակների հասնելու համար»,- խաղից հետո ասել է «Բարսելոնայի» կիսապաշտպան Ֆրենկի դե Յոնգը։
Բարսելոնայի» կիսապաշտպան Ֆիլիպե Կոուտինյոն, ով դուբլի հեղինակ էր դարձել ևս մեկնաբանել է երեկվա հանդիպումը.«Կարևոր խաղ էր, որում մրցեցին աշխարհի երկու լավագույն ակումբները: Երջանիկ եմ, որ մենք դուրս եկանք կիսաեզրափակիչ»։ Նշենք՝ «Բարսելոնան» 1946 թվականից ի վեր առաջին անգամ է 8 գոլ բաց թողել մեկ խաղի ընթացքում: Չեմպիոնների լիգայի կիսաեզրափակչում «Բավարիան» կմրցի «Մանչեսթեր Սիթի»-«Լիոն» զույգի հաղթողի հետ:
