Գերմանիայի կանցլեր Անգելա Մերկելը և Ֆրանսիայի նախագահ Էմանուել Մակրոնը հանդիպում են նախատեսում հաջորդ շաբաթ:
Այդ մասին հայտնում է «Եվրոպեյսկայա պրավդան»՝ հղում անելով DPA- ին:
Առաջնորդների հանդիպումը տեղի է ունենալու Ֆրանսիայում, Ֆրանսիայի նախագահի Fort de Bregancon ամառային նստավայրում՝ Միջերկրական ծովի ափին:
Ելիսեյան պալատից հայտնում են, որ այցը ծրագրված է որպես աշխատանքային հանդիպում՝ քննարկելու համար այն հարցերը, որոնք կլինեն եվրոպական օրակարգում արձակուրդային սեզոնի ավարտից հետո:
Դրանց թվում են`կորոնավիրուսի համավարակի դեմ պայքարը, ԵՄ բյուջեն, շրջակա միջավայրի և առևտրային հարցերը:
Քննարկվելու են նաև ԵՄ հարաբերությունները Չինաստանի և աֆրիկյան առանձին երկրների հետ, ինչպես նաև իրավիճակը Լիբանանում և Բելառուսում:
Հիշեցնենք, որ ներկայումս Գերմանիան նախագահում է ԵՄ խորհրդում և էական ազդեցություն ունի դրա օրակարգի ձևավորման վրա: