Կրեմլը տեղեկատվություն է հրապարակել Ռուսաստանի վարչապետ Միխայիլ Միշուստինի՝ 2019 թվականի եկամուտների վերաբերյալ՝ գրում է gazeta.ru-ն:
Այսպիսով, եկամտուտների և ունեցվածքի հայտարարագրի համաձայն՝ անցած տարի վարչապետի վաստակը կազմել է 18,2 միլիոն ռուբլի:
Այս գումարը, ըստ բացատրության, գոյացել է Դաշնային հարկային ծառայության պաշտոնում Միշուստինի եկամուտներից, ինչպես նաև «եկամուտներ այն ֆոնդերի ավանդներից, որոնք նա վաստակել է ավելի վաղ»:
2018-ին Միշուստինի եկամուտը 0,7 միլիոն ռուբլով ավելի բարձր է եղել: