Կորոնավիրուսի դեմ պայքարում Կառավարությունը տնտեսություն է ներարկել մոտ 150 միլիարդ դրամ: «Պետության կողմից աջակցության մի մասը եղել է հարկերի զիջումը, մյուս մասը՝ վարկերի հետաձգումը, բանկերի կողմից նոր վարկերի տրամադրումը և այլն,- «Առաջին լրատվական»-ի հետ զրույցում ասաց «Մենյու գրուպ» ընկերության հիմնադիր Վահան Քերոբյանը: Նրա պնդմամբ՝ 150 միլիարդը ինչ-որ ցավի դարման է եղել, բայց կառավարության այդ ներարկումները քիչ ազդեցություն են թողել տնտեսության վրա, դա շատ քիչ է տնտեսության կրած ցավերի դիմաց:
«Կառավարությունը սխալ ռազմավարություն է ընտրել՝ փորձելով ազատ ռեսուրսները պահել սև օրվա համար՝ փոխանակ այդ միջոցները տրամադրեր տնեսությունն առողջ և առույգ պահելուն, որպեսզի տնտեսությունը կարողանար բյուջեի եկամտային մասն ապահովել: Այլ կերպ ասած՝ կառավարությունը թողնում է, որ տնտեսությունն ընկնի և հետևանքները փորձում է վերացնել բյուջեի եկամտային մասը պարտքերով կամ վարկային միջոցներով լցնելով»,- նշեց Վահան Քերոբյանը:
«Դուխի պակաս կա, կառավարությունը պետք է կարողանար սանձել տնտեսության վրա եկող ալիքը»- նշեց մեր զրուցակիցը:
Մանրամասն՝ տեսանյութում:
