«Արդարադատության նախարարությունը ներկայացրել է հակակոռուպցիոն դատական համակարգի ներդրմանն ուղղված օրենսդրական փաթեթ, որը տեղադրված է Միասնական իրավական ակտերի նախագծերի հրապարակման e-draft.am կայքում: Այսօր հակակոռուպցիոն համակարգի ներդրմանը նվիրված քննարկում է տեղի ունեցել քաղհասարակության ներկայացուցիչների՝ «Իրավաբանների հայկական ասոցիացիա»-ի և «Իրավունքի Եվրոպա» ՀԿ-ի նախաձեռնությամբ: Սա շատ կարևոր օրենսդրական խաձեռնություն է, որը գալիս է լրացնելու այն շղթան, որը կոչվում է հայկական հակակոռուպցիոն ինստիտուցիոնալ համակարգ,- «Առաջին լրատվական»-ի հետ զրույցոմ այս մասին ասաց «Իրավաբանների հայկական ասոցիացիա»-ի նախագահ Կարեն Զադոյանը:- Արդեն ստեղծվել է Կոռուպցիայի կանխարգելման հանձնաժողով, տեղծվելու է Հակակոռուպցիոն կոմիտե, այս մարմիններն իրականացնելու են կոռուպցիայի կանխարգելում հակակոռուպցիոն կրթություն և նախաքննություն՝ ուղղված կոռուպցիոն հանցագործությունների բացահայտմանը: Սա առաջին օղակն է, երկրորդ օղակը Հակակոռուպցիոն դատախազությունն է, որը փաստացի ձևավորվել է և այն ղեկավարելու է գլխավոր դատախազի տեղակալը, նշանակումները կլինեն սեպտեմբերին: Պետք է ունենանք կանխատեսելի արդարադատություն: Երրորդ շղթան հակակոռուպցիոն դատական համակարգն է, որ ներկայացվել է այս նոր փաթեթով. հակակոռուպցիոն մասնագիտակցված դատարանը կազմված կլինի մինչև 25 դատավորից: Փոփոխություններ են նախատեսվում»:
«Իրավունքի Եվրոպա» ՀԿ նախագահ, փաստաբան Լուսինե Հակոբյանի դիտարկմամբ՝ փոփոխությունները միտված են դատական համակարգի առողջացմանը: «Դատական համակարգի առողջացումը մեր իշխանության պարտավորությունն է քաղաքացիների առջև: Բացի դրանից՝ դատական համակարգի անկախության և պրոֆեսիոնալիզմի ապահովումը նաև մեր պետության պարտավորությունն է միջազգային գործընկերների, մասնավորապես ԵՄ-ի առջև»:
Մանրամասն՝ տեսանյութում:
