Բելառուսի նախագահի թեկնածու Սվետալանա Տխանովսկայան այսօր նոր տեսաուղերձ է հրապարակել՝ կապված երկրում վերջին իրադարձությունների հետ:
Սկզբում նա ասել է, որ Բելառուսի քաղաքացիներն արել են անհնարինը՝ քվեարկել են հանուն ազատության: Նա նշել է, որ այնտեղ, որտեղ հանձնաժողովները ճիշտ են հաշվել ձայները, նա ստացել է քվեների 60-70%-ը, իսկ որոշ ընտրատեղամասերում՝ նաև մինչև 90%-ը:
Տիխանովսկայան նաև շնորհակալություն է հայտնել նրանց, ովքեր մասնակցում են գործադուլին և կոչ է արել բոլորին միանալ ակցիային:
Միևնույն ժամանակ, նա իրավիճակը երկրում ծայրահեղ է անվանել՝ փողոցներում իրավապահ մարմինների կողմից կատարվող բռնությունների պատճառով և նշել, որ ամենակարևորը մարդկային կյանքն է, և բռնությունները պետք է դադարեցվեն:
Այս կապակցությամբ նա դիմել է բելառուսական քաղաքների քաղաքապետերին և կոչ է արել օգոստոսի 15-ին և 16-ին, երբ ընդդիմությունը նախատեսում է ամբողջ երկրում ակցիաներ անցկացնել, հանդես գալ նախաձեռնողի դերում և գլխավորել դրանք:
Նա նաև նշել է կանանց ծաղիկներով ակցիաները, որոնք ցույց են տալիս, որ բելառուսները բաց և ազնիվ մարդիկ են և դեմ են բռնությանը: Տիխանովսկայան նաև շնորհակալություն է հայտնել իրավապահ մարմինների աշխատակիցներին, ովքեր հրաժարվել են կատարել հանցավոր հրամանները: