Այսօր հայտնի դարձավ, որ ԱԺ «Լուսավոր Հայաստան» խմբակցության պատգամավոր Մանե Թանդիլյանը առողջական խնդիրների պատճառով վայր է դնում պատգամավորական մանդատը և դադարեցնում է գործունեությունը՝ որպես «Լուսավոր Հայաստան» կուսակցության կառավարման խորհրդի անդամ։ Մանե Թանդիլյանի հետ մենք անցել ենք քաղաքական պայքարի ու աշխատանքի ճանապարհ, որը գուցե է միշտ չէ, որ հարթ է եղել։ Այդուհանդերձ, մեր միջև ձևավորվել են ջերմ գործընկերային հարաբերություններ, որոնք, հասկանալի պատճառներով, չեն շարունակվել իմ՝ «Լուսավոր Հայաստան» խմբակցությունից դուրս գալուց հետո։
Անկախ բոլոր այս հանգամանքներից, սակայն անկեղծորեն ափսոսում եմ, որ Մանե Թանդիլյանը չի լինելու յոթերրորդ գումարման խորհրդարանում, որովհետև նա ուրույն քաղաքական դիմագիծ ու աշխաոճ ունեցող պատգամավոր էր, որպիսիք շատ անհրաժեշտ են Ազգային Ժողովի արդյունավետ գործունեության համար։
Շուտափույթ ապաքինում և առողջություն եմ մաղթում Մանե Թանդիլյանին՝ հույսով, որ առողջական խնդիրների լուծումից հետո նա կշարունակի հանրային ու քաղաքական գործունեությունը։
https://www.facebook.com/babajanyana/photos/a.2309525339078180/3545233072174061/?type=3&theater
