Լուրեր
Ինձ համար խնդիր է, որ ՍԴ թեկնածուների շուրջ քննարկումները դուրս են գալիս տարրական, բարոյական նորմերի շրջանակից. Ռուստամ Բադասյան

Հրապարակվել է «Սասնա ծռեր»-ի գործով մեղադրական ճառը, դատախազն արդեն պատժաչափեր է առաջարկել, ինչն էլ զարմանք է առաջացրել և թեժ քննարկումների առիթ է դարձել:  2016թ. տեղի տեղի ունեցածը շատերի կողմից որպես ապստամբություն է որակվում: Արդյո՞ք տեղի ունեցածը որպես ապստամբություն ընդունելը դատավարության մեջ կփոխի իրավական նորմերը, թե ոչ: «Առաջին լրատվական»-ի հետ զրույցում, անդրադառնալով այս հարցին, ՀՀ արդարադատության նախարար Ռուստամ Բադասյանը նշեց, որ ամեն իրավիճակում ապստամբության իրավունքի մասին  խոսելը սխալ է և կարող է վատ հետևանքների բերել. «Պատկերացնո՞ւմ եք ցանկացած իրավիճակում որևէ խումբ ասի ապստամբելու իրավունք ունենք, զնեք վերցնի և գրոհի որևէ պետական մարմնի վրա…»:

Արդարադատության նախարարի խոսքով՝ ՍԴ կազմի ձևավորումից հետո ՍԴ ճգնաժամը կհաղթահարվի: «ՍԴ թեկնածուների բարեվարքությանը ծանոթանալով պետք է որոշում կայացվի՝ ընտրվում են ՍԴ անդամ, թե ոչ: Դատական համակարգի խնդիրները յուրահատուկ են»,- նշեց Ռ. Բադասյանը:

Որոշ շրջանակների կողմից, այդ թվում նաև մասնագիտական, անվստահություն է արտահայտվում ՍԴ թեկնածուների նկատմամբ: Անդրադառնալով այս դիտարկմանը, Ռուստամ Բադասյանը նշեց, որ ռեալ որևէ փաստարկ չի նկատել այդ դաշտում, որը կասկածի տակ կդնի առաջադրված թեկնածուների պրոֆեսիոնալիզմը:  «Ինչ վերաբերում է այլ փաստարկներին, տպավորություն է, որ անձանց խումբ կա, որ ունի հստակ ճաշակ և կարծում է, թե իր ճաշակին համապատասխան պետք է ձևավորվեն դատական մարմինները: Ինձ համար խնդիր է, որ թեկնածուների վերաբերյալ քննարկումները և բերվող փաստարկները դուրս են գալիս տարրական բարոյական նորմերի շրջանակներից»,- ընդգծեց նախարարը:

Մանրամասն՝ տեսանյութում:

  • Դիտումներ՝ *