Հաշվետվություն. 220մ2 պատուհանի տեղադրում սահմանապահ Արտանիշ գյուղի դպրոցում
«Հանուն Հանրապետության» քաղաքական նախաձեռնության անդամների՝ սահմանամերձ/սահմանապահ բնակավայրեր այցելության շրջանակներում անցած շաբաթներին եղել ենք նաև Գեղարքունիքի մարզի Արտանիշ համայնքում։
Արտանիշում առկա են կենսական նշանակության բազմաթիվ խնդիրներ, այդ թվում լուրջ խնդիր է այն, որ գյուղի միակ դպրոցը կահավորված էր չափազանց հին պատուհաններով, որոնք ուղղակի հնարավորություն չեն տալիս պահպանել ջերմությունը ջեռուցվող այս դպրոցում։
«Հանուն Հանրապետության» քաղաքական նախաձեռնության անդամներով որոշում կայացրեցինք ստանձնել դպրոցի շուրջ 220 քառակուսի մետր ծավալով պատուհանները փոխարինելու, դպրոցը նոր՝ եվրոպատուհաններով կահավորելու աշխատանքը, որը կավարտվի առաջիկայում։ Դա հնարավորություն կտա գալիք ջեռուցման սեզոնում խնայել ջերմությունը և իրապես տաք դարձնել դպրոցի դասասենյակները։ Այս խնդիրը Արտանիշում կրկնակի կարևորություն ունի այն առումով, որ համայնքը տարածաշրջանի ամենացուրտ բնակավյայրերից է, արդեն հոկտեմբերից այստեղ խստաշունչ ձմեռ է։
«Հանուն Հանրապետության» քաղաքական նախաձեռնությունը Արտանիշի ու մյուս բոլոր սահմանամերձ/սահմանապահ համայնքների բնակիչների կողքին է։
https://www.facebook.com/hanun.hanrapetutyan/posts/160357545662063?__xts__[0]=68.ARBKaK62fONFrWSS15Cn6lIeeJ1oWiy-L1uEnPtIu-URuULwgq9sR5DMebMBX5-bYibrokoFA_P8B1r8zC9PN2GnwVrxHoFXP2VA0UrHZj_-MOYKZCxk5NHXkIOlIzl_id5eM2b4A7rNggm97XTnsj1ZQ2-Cq9APWQlZK_b2Gq_a9OX1AVMlXxeHxEDOkAb42Eq1tny3ZN9xSpbLudocCfkaX3WB78ZKhYmK7T3ZFArkWAmQK99gOyMsr-0XcW6nUV2yu5c4IuD1TKR0-lu2W08CWfMRVcHCGk8OV4ERmV93Dr_btDafVws5huajf1H5fcL2LEIGycfIjD1NFPcbMsA&__tn__=-R
