Facebook-ը մեղադրվում է Instagram սոցիալական ցանցի ավելի քան 100 միլիոն օգտատերերի կենսաչափական տվյալների ապօրինի պահպանման մեջ: Այս մասին տեղեկացնում է Business Insider- ը:
Ընկերության դեմ դատական հայցում նշվում է, որ Instagram-ում կա գործիք, որն օգտագործում է դեմքի ճանաչման համակարգը և ստեղծում է «դեմքի ձևանմուշ», որն այնուհետև պահում է իր տվյալների բազայում:
Սոցիալական ցանցը մեղադրվում է նրանում, որ օգտատերերի լուսանկարներում ավտոմատ սկանավորում է նույնիսկ այն անձանց դեմքերը, ովքեր չեն օգտվում հավելվածից:
Հայցադիմումում նշվում է նաև, որ Facebook-ը հավաքում է մարդկանց պաշտպանված կենսաչափական տվյալները՝ իր հնարավորությունների մեջ դեմքի ճանաչման կարողությունները բարելավելու և այդ տեղեկատվությունը տարածելու համար:
Ամերիկյան Իլինոյս նահանգի օրենքի համաձայն, եթե դատական հայցը բավարարվի, ապա Facebook-ը խախտման համար կարող է վճարել 1-ից 5 հազար դոլար, ընդհանուր գումարը կարող է կազմել մինչև 500 միլիարդ դոլար:
Facebook-ի ներկայացուցիչ Ստեֆանի Օտուեյը հայտարարել է, որ դատական գործընթացն անհիմն է: Նա հայտարարել է, որ Instagram- ը դեմքի ճանաչման տեխնոլոգիա չի օգտագործում: