Լուրեր
Ղալլաթ կանի մեկը, որ կասի, թե կառավարությունը կոռումպացված է. Նիկոլ Փաշինյան
  • 12:05
  • 2020-08-13
  • Դիտումներ՝ *

Բյուջեն մեր բոլորիս գրպանն է։ Պետք չի ամեն ինչ անել, որ բյուջե մի կոպեկ պակաս վճարել։ Կառավարության այսօրվա նիստի ժամանակ այս մասին ասաց ՀՀ վարչապետ Նիկոլ Փաշինյանը։

«Էս հանդիպումների ընթացքում հիշեցնում էի մեր գործընկերներին։ Ասում էի՝ հիշում եք 2 տարի, հիմա եկել ու ասում եք՝ բյուջեից էս տվեք, էս տվեք, էս տվեք, բայց որ խոսքը գնում է բյուջեին ինչքանով եք պարտաճանաչ վճարում, էն ժամանակ դրա մասին խոսք չի գնում։ Դրա համար էլ գործարար շրջանակներն իմ հանդիպումներից դուրս են գալիս ու ասում, որ դժգոհ են։ Լավ է, որ դժգոհ եք, որովհետև պետք է մեր վարքագծի մասին մտածենք չէ՞։

Ի՞նչ է նշանակում ՀԴՄ չխփել։ Էն ժամանակ ասում էին կառավարությունը կոռումպացված է, բոլորը տանում են, մենք էլ ենք տանում։ Հիմա էլ ղալաթ կանի մեկը, որ կասի կառավարությունը կոռումպացված է։ Հիմա էլ ես եմ ասում, որ այդ կոռուպցիոն երևույթն այդտեղ մնացել է և ես էլի եմ ասում՝ ՀԴՄ չխփելը զինվորի հացը գողանալ ա։ Այստեղ չքմեղանալու կարիք չկա։ Երբ գնում մեր բիզնես պրոցեսները տեսնում ենք, տեսնում ենք՝ որտեղ է հնարավոր մի բան քցել էն կողմ։ Հետո կգա քաղաքական, տնտեսական էն մյուս բաներում պահանջատիրություն կառաջանա։

  • Դիտումներ՝ *