Թուրքական լրատվամիջոցներն ահազանգում են, որ 2016թ․ ՅՈՒՆԵՍԿՕ-ի համաշխարհային մշակութային ժառանգության ցանկում ընդգրկված Անիի պատմական շինություններից մնացած պատերին այսօր այցելուները կողմից անխնա ներկում, փորագրում ու գրոտում են՝ գրում է ermenihaber.am -ը։
Պատմական այս քաղաքում հայտնված որոշ զբոսաշրջիկներ ավելի հանճարեղ ոչինչ չեն գտնում անելու, քան եկեղեցիների, ամրոցների ու այլ շինությունների՝ կանգուն մնացած պատերին սեփական անունները, այցելության տարեթվերը, ամուսնուն կամ սիրեցյալին ուղղված սիրո խոստովանությունները կավիճով ու ներկերով գրելը կամ սուր գործիքով փորագրելը։
Մյուս կողմից, այս ամենը հարուցել է մի շարք սրտացավ այցելուների զայրույթը, ովքեր պահանջել են մաքրել բոլոր գրառումներն ու ավելի խնամքով վերաբերվել պատմական այս կառույցներին։