Լուրեր
Իշխանության մոտ նկատվում է լեգիտիմության փոշիացում․ ԱԺ նախագահի հետ հանդիպած գործարարները մտահոգված են

ԱԺ նախագահն օրեր առաջ հանդիպել է Հայաստանի արդյունաբերողների և գործարարների հետ: Դրանից առաջ նրանք հանդիպել էին նաև վարչապետի հետ: Հանդիպման արդյունքների և ոլորտին առնչվող խնդիրների շուրջ «Առաջին լրատվական»-ը զրուցել է «Ֆիլիպ Մորիս Արմենիա»-ի ընկերության արտաքին հարցերով, գիտական ներգրավման ու նորարարությունների գծով կառավարիչ Վահե Դանիելյանի և Գինու ազգային կենտրոնի և «Մառան» ընկերության նախագահ Ավագ Հարությունյանի հետ:

«Այս հանդիպումների նախաձեռնողը գործարար համայնքն էր, բայց Կառավարությունը և ԱԺ-ն ևս շահագրգռված էին հանդիպել և շատ արագ արձագանքեցին հանդիպման ցանկությանը»,- նշեց Ավագ Հարությունյանը: Նա նաև հավելեց, որ այս հանդիպումներում հայեցակարգային քննարկումներ են եղել, «Գործարար համայնքին մտահոգում էր այն հարցը, թե Կառավարությունը և ԱԺ-ն ինչ պատկերացումներ ու տեսլական ունեն գլոբալ խնդիրների վերաբերյալ»,- նշեց Ավագ Հարությունյանը:

Վաչե Դանիելյանի խոսքով՝ հանդիպումների ընթացքում հիմնականում քննարկվել են գործարարության հիմանարար հարցերը: «Պետականամետ կառույցները տնտեսության հիմքն են, և հարց հնչեց, թե այդ պարագայում  գործարարներն ինչով կարող են օգտակար լինել: Հանդիպումների ընթացքում կարմիր թելի պես գնում էր այն մտքը, որ պետք է ձևավորենք մի հարթակ, որտեղ կկարողանանք քննարկել ռազմավարական հարցեր, ստեղծել դիալոգի դաշտ և դառնալ պետության հենարանը:

«Ժամանակը մաղել է գործարարներին, թողել է նրանց, ովքեր ընդհանուր արժեհամակարգից դուրս չեն եկել»,- նշեց Ավագ Հարությունյանը՝ հավելելով, որ գործարարները պատրաստ են լինել պետության կողքին և քննարկել ճիշտ և սխալ որոշումները:

«Եթե կա ճգնաժամ, ուրեմն կլինեն ցավոտ լուծումներ և կլինեն շերտեր, որոնք կտուժեն… Իշխանության մոտ առկա է փորձի պակաս, իշխանությունն ունի ժողովրդի վստահությունը կորցնելու վախ»,- նշեց Ավագ Հարությունյանը՝ հավելելով, որ ցանկացած ճգնաժամ շոկային թերապիա է պահանջում:- Բայց տարօրինակ է, որ իշխանությունը, ունենալով լեգիտիմության մեծ պաշար և մեծ հնարավորություններ, կարծես թե փոշիացնում է լեգիտիմությունը, նկատվում է ժողովրդավարության փոշիացում: ժողովրդավարության ուժը, որ կարող է սարեր շուռ տալ, հիմա մի քիչ պասիվացվում է: Իշխանության մոտ վախ կա ժողովրդի վստահությունը կորցնելու, չկա մեծ մտքի թռիչքը, որի հետևում նաև կորուստներ կլինեն»:

 

Մանրամասն՝ տեսանյութում:

  • Դիտումներ՝ *