ԽՍՀՄ ժողովրդական արտիստ, դիրիժոր Վլադիմիր Սպիվակովը հայտարարել է, որ հրաժարվում է շքանշանից, որը նրան շնորհել էր Բելառուսի նախագահ Ալեքսանդր Լուկաշենկոն:
Սպիվակովի խոսքով՝ Լուկաշենկոյի «տոնակատարության ժամանակ» տիրում է «լկտիություն, բռնակալություն, բռնություն և ծայրահեղ դաժանության անվերջ օրինակներ, որոնց միջոցով իշխանությունները ճնշում են բազմաթիվ քաղաքացիների կամքը ողջ երկրում»:
«Ես ստիպված եմ հրաժարվելու այն շքանշանից, որը դուք նախկինում ինձ եք շնորհել: Ես ամաչում եմ կրել այն, քանի որ դա կապված է ձեր կառավարման հետ: Ձեր «սև» ուժը ձեր մեծ թուլությունն է», – նշել է Սպիվակովը Լուկաշենկային ուղղված բաց նամակում, որը տպագրվել է «Նովայա գազետա»-ում:
Դիրիժորը նշել է, որ իր սիրտը բաբախում է բելառուս ժողովրդի հետ միասնության մեջ, որոնք պահանջում են պահպանել տարրական իրավունքներն ու ազատությունները՝ ներառյալ խաղաղ բողոքների իրավունքը:
«Մարդիկ ծնվում են նրա համար, որ իրենց սիրեն, այլ ոչ թե նվաստացնեն ու խոշտանգեն», – ամփոփել է երաժիշտը: