Լուրեր
Նույնիսկ օտարերկրյա քաղաքացիներին Հայաստանում բուժելու ենք անվճար. Ավինյանը՝ Զոլյանին
  • 15:16
  • 2020-08-12
  • Դիտումներ՝ *

Այսօր՝ օգոստոսի 12-ին, Ազգային ժողովում հրավիրվել է հատուկ նիստ:  Օրակարգում արտակարգ ռեժիմը երկարաձգելու մասին հարցի քննարկումն է:

«Իմ քայլի» պատգամավոր Միքայել Զոլյանը հետաքրքրվեց, թե բուհերի վերաբացման վերաբերյալ մոտավոր որոշումը ինչպիսին կլինի. «Ո՞ր տարբերակների միջև է ընտրությունը»:

Պատգամավորը հետաքրքրվեց նաև` եթե Հայաստան եկած օտարերկրյա քաղաքացու թեստի արդյունքը դրական լինի, ինչ է կատարվելու:

Ի պատասխան Տիգրան Ավինյանն ասաց. «Նույնիսկ օտարերկրյա քաղաքացիներին մենք բուժելու ենք անվճար»:

Ինչ վերաբերում է բուհերին, Ավինյանն ասաց. «Հիմնական մոտեցումը հիբրիդային է, ինչը ենթադրում է և առկա, և հեռավար ուսուցում: Նախնական քննարկումները սեպտեմբերի 1-ից 15-ը վերսկսելու մասին են»:

 

Մանրամասն՝ տեսանյութում:

  • Դիտումներ՝ *