Իրաքի իշխանությունները որոշել են չեղարկել Թուրքիայի պաշտպանության նախարար Հուլուսի Աքարի այցը երկիր՝ թուրքական անօդաչու թռչող սարքերի հարվածից հետո, որի հետևանքով իրաքցի զինվորներ են զոհվել: Այս մասին հաղորդվում է Իրաքի արտաքին գործերի նախարարությանTwitter-ի էջում։
Թուրքիայի նախարարի այցը Բաղդադ նախատեսված էր հինգշաբթի, օգոստոսի 13-ին:
«Արտաքին գործերի նախարարությունը կկանչի Թուրքիայի դեսպանին և նրան հարձակման հետ կապված բողոքի նոտա կհանձնի», – ասվում է հայտարարության մեջ:
Իրաքը նաև սպառնացել է Թուրքիային վերանայել տարբեր ոլորտներում երկրների միջև համագործակցության պայմանները, եթե Անկարան շարունակի անտեսել իրաքյան ինքնիշխանության նկատմամբ խախտումները դադարեցնելու պահանջները:
