«Անկեղծ զրույց» խորագրված շարքում անդրադառնալով ապրիլյան քառօրյայի քննիչ հանձնաժողովի նիստին մասնակցելու վերաբերյալ հարցին՝ Սերժ Սարգսյանն արել է մի հայտարարություն, որը բավականին բազմիմաստ ակնարկ կարող է լինել մի պաշտոնյայի հասցեին, որը միակն էր, որ մերժեց հանձնաժողովի հրավերը: Խոսքը ԶՈՒ ԳՇ նախկին պետ Յուրի Խաչատուրովի մասին է: Սերժ Սարգսյանը՝ հարցին, թե ինչու գնաց հանձնաժողով, եթե ակնհայտ էր դրա քաղաքական համատեքստը, ասել է, թե գնաց՝ որովհետև չուներ թաքցնելու ոչինչ, և ամբողջ ճշմարտությունը պետք է ասվեր: Թեմայի շուրջ «Առաջին լրատվական»-ը զրուցել է Գյումրիի ժուռնալիստների «Ասպարեզ» ակումբի նախագահ Լևոն Բարսեղյանի հետ: