ԱՄՆ-ի ցածր եկամուտ ունեցող քաղաքացիները մինչև տարեվերջ եկամտահարկ չեն վճարի։ Այս մասին հայտարարել է ԱՄՆ նախագահ Դոնալդ Թրամփը Նյու Ջերսիում կայացած մամուլի ասուլիսի ժամանակ:
Ըստ նրա, համապատասխան հրամանագիրը ստորագրվել է շաբաթ օրը, օգոստոսի 8-ին: «Ես աշխատավարձի հարկերի հարկային արձակուրդ եմ տրամադրում այն ամերիկացիներին, որոնք տարեկան 100 հազար դոլար-ից պակաս են վաստակում», – ասել է Թրամփը:
Նա նշել է, որ այս հարկային արձակուրդները, ամենայն հավանականությամբ, կսկսեն գործել հետին թվով՝ օգոստոսի 1-ից և կտևեն մինչև այս տարվա վերջ:
«Եթե ես վերընտրվեմ նոյեմբերի 3-ին, ես նախատեսում եմ չեղարկել այդ հարկերը, ինչպես նաև իջեցնել աշխատավարձի հարկը: Այլ կերպ ասած, ես կերկարաձգեմ արձակուրդները և վերջ կդնեմ հարկին», – հայտարարել է Թրամփը:
