Բելառուսի նախագահական ընտրություններում ընտրողների մասնակցությունը տեղական ժամանակով ժամը 14:00-ի դրությամբ կազմել է 65.19 տոկոսը: Այդ մասին լրագրողներին տեղեկացրել է Բելառուսի ԿԸՀ նախագահի տեղակալ Վադիմ Իպատովը։
Բրեստի մարզում քվեարկել է ընտրողների ցուցակներում ընդգրկված ընտրողների 63.5 տոկոսը, Վիտեբսկի մարզում՝ 67.35 տոկոսը, Գոմելի մարզում՝ 75.83 տոկոսը, Գրոդնոյի մարզում՝ 65.75 տոկոսը:
Մինսկի մարզում քվեարկել է ընտրողների 64.21 տոկոսը, Մոգիլևի մարզում՝ 72.57 տոկոսը։ «Այսպիսով, ընդամենը Բելառուսում քվեարկել է ընտրողների 65.19 տոկոսը»,- հայտնել է Վադիմ Իպատովը։
Բելառուսները նաև քվեարկում են Հայաստանում Բելառուսի դեսպանության ընտրատեղամասում։ Բելառուսի սահմաններից դուրս 44 ընտրատեղամաս է բացվել։
Նախագահի թեկնածուները հինգն են՝ Անդրեյ Դմիտրիևը, Աննա Կանոպացկան, Ալեքսանդր Լուկաշենկոն, Սվետլանա Տիխանովսկայան, Սերգեյ Չերեչենը։
ԿԸՀ-ն ձևավորվել է 153 տարածքային ընտրական հանձնաժողով և 5723 տեղամասային հանձնաժողով։
Լուսանկարում՝ քվեարկությունը Հայաստանում Բելառուսի դեսպանատան ընտրատեղամասում: