Տեխասցի ձեռներեցը շքեղ ապրանքներ է գնել այն միջոցներով, որոնք նախատեսված էին կորոնավիրուսային պանդեմիայի ժամանակ ընկերության աշխատողների աշխատավարձը վճարելու համար:
Նշվում է, որ 29-ամյա գործարար Լի Փարսը գնել է Lamborghini մակնիշի մեքենա և Rolex ժամացույց, իսկ մնացած գումարը ծախսել է Հյուսթոնի գիշերային ակումբներում:
Հարավային Տեխաս նահանգի դատախազությունը մեղադրանք է հարուցել Լիի նկատմամբ՝ բանկերին կեղծ տեղեկություն տրամադրելու, ինչպես նաև էլեկտրոնային խաբեության, կեղծիքի և ապօրինի գործարքներ կատարելու համար: Գործարարին հասանելի են եղել 1,6 միլիոն դոլար փոխառու միջոցներ, որը նախատեսված էր մասնավոր ձեռնարկությունների աշխատակիցներին աշխատավարձ վճարելու համար:
ԱՄՆ-ի դաշնային կառավարությունը փոքր և միջին բիզնեսի աջակցությանն ուղղված ծրագիր է մշակել: Դրա համաձայն՝ վարկերը տրամադրվում են արտոնյալ պայմաններով և ներվում են, եթե որոշակի ժամանակահատվածում այդ միջոցները ծախսվում են աշխատատեղերի պահպանման կամ տարածքների վարձավճարների վրա:
Օրինակ՝ դատախազությունը ստուգում է անցկացրել Price Enterprises ընկերությունում և չի հայտնաբերել վարկի հայտում նշված դրույքով աշխատողների թիվը: Ընկերության ղեկավար հանդիսացող անձը մահացել է 2020 թվականի ապրիլին, այսինքն`դիմումն ուղարկելուց մեկ ամիս առաջ:
Դատախազությունը պարզել է, որ խաբեբան հազարավոր դոլարներ է ծախսել Հյուսթոնի ստրիպ ակումբներում, իսկ վերջին գնումներից մեկը եղել է 35 հազար դոլար արժողությամբ «Ֆորդ F-350» պիկապ մեքենան: