Նախօրեին համացանցում տարածվել էին ՀԱՄԱՐ ՄԵԿ ՄԵՐԺՎԱԾԻ՝ սերժիկ սարգսյանի հանրությանը ուղղված տեսաձայնագրությունները (семейный подряд Мишик продакшн), որոնցում նա մանկական անմեղ հայացքով խոսում էր ապրիլյան պատերազմի, հեղափոխության և այլ բաների մասին:
Հիմա եկեք տեսնենք, թե մեր օրերի մերժվածների առաջնորդը ինչ էր խոսում:
Խոսում էր այն մասին, որ նա մինչ այս պահը լռել է, քանի որ չի ցանկացել խորացնել հասարակության մեջ առկա բևեռացումը և ագրեսիան: Սիրելի հայրենակիցներ, պատկերացնում եք, բևեռացումից և ագրեսիայից խոսում է մի մարդ, որի ընտանիքի անդամների կողմից կատարված հանցանքների մասին լեգենդներ են պտտվում, իսկ նրանց ցոփ ու շռայլ կյանքի մասին էլ չասեմ, ուղղակի հիշենք սաշիկի տղու նվերները ընկերուհուն, Սարյանի նկարները, 50\50-ները և այլն, և այլն, և այլն….
Խոսում է ապրիլյան պատերազմի մասին և խոսում է այնպես, որ ակամայից սկսում ես մտածել, ոնց կարող է այս մարդը խոսել բանակից, որը իր կողմնակիցների ձեռքերով թալանվում էր, ինչի մասին են վկայում արդեն Նոր Հայաստանում հարուցված քրեական գործերը:
Խոսում է այն մասին, որ ՀՀ ներկայիս իշխանությունները ապրիլյան պատերազմից հետո ձեռք բերված դիվանագիտական հաջողությունները չեն օգտագործել: Ուզում եմ այս մարդուն հիշեցնել, որ ՀՀ իշխանությունները ՀՀ Գերագույն Գլխավոր հրամանատար, վարչապետ Նիկոլ Փաշինյանի ղեկավարությամբ հուլիսյան մարտերի ժամանակ ահավոր ջարդ տվեցին հակառակորդին, ոչնչացրեցին գեներալի, գնդապետի և մեծ թվով հատուկ ստորաբաժանման զինյալների, իսկ ոչնչացված ռազմական տեխնիկան գումարային արժեքով ավելի քան 300 միլիոն ԱՄՆ դոլարի էին: Հիշեցնեմ, որ այդ օրերին վարչապետի, պաշտպանության նախարարի և այլ բարձրաստիճան պաշտոնյաների հռետորաբանությունը գերհարձակողական էին, իսկ ապրիլյան պատերազմի օրերին ձեր կառավարության ու օրենսդիր իշխանության ներկայացուցիչների ձայնը չէր լսվում: Հուլիսյան մարտերից հետո Նիկոլ Փաշինյանի մեկ հորդորով մի քանի ժամում հարյուրավոր միլիոն դրամներ փոխանցվեցին զինծառայողների ապահովագրության հիմնադրամին:
Կուզենայի նաև հիշեցնել, որ Փաշինյանը Մինսկում ԵԱՏՄ կառավարությունների ղեկավարների նիստում ունեցավ այնպիսի հզոր հարձակողական ելույթ, որի պատասխանը մինչ այժմ ալիևը չի կարողանում տալ:
Հուլիսյան դեպքերի ժամանակ և դրանցից հետո Աշխարհի բոլոր ծայրերից նախագահների, կառավարությունների, պարլամենտականների և այլ բարձրաստիճան պաշտոնյաների մակարդակով ադրբեջանական ագրեսիան դատապարտվեց, իսկ ձեր պարագայում ուզում եմ հիշեցնել, որ ձեր կուսակիցները Հայաստանի վրա բողոքներ էին գրում ԵԺԿ-ին և այլ կազմակերպությունների: Հիմա ով է ավելի շատ հաջողությունների հասել դիվանագիտական ճակատում, Ն.Փաշինյանը և իր կառավարությունը, թե դուք և ձեր սպասարկուները, որոնք Հայաստանի վրա դրսից “տղա” էին բերում:
Սիրելի հայրենակիցներ ցանկանում եմ հիշեցնել, որ խոսում է մարդը, որը ներկայումս անցնում է դիզվառելիքի հափշտակման վերաբերյալ քրեական գործով, իսկ նրա ցեղի արու անդամների գերակշիռ մասը անցնում են ավելի ծանր քրեական գործերով: Ինչի համար եմ սա ասում, որ բոլորի համար պարզ լինի մերժվածները վերակենդանանալու շանս չունեն, քանի որ իրենց պաշտոնավարման ընթացքում բազմից ապացուցել են, որ Հայրենիքից ավելի սիրում են փողը, իշխանությունը, պնակալեզությունը և կեղծավորությունը:
Հ.Գ. Ով ինչից ուզում է խոսի, դու ու քո խմբակը ՀԱՅՐԵՆԻՔԻՑ ու ՀԱՅՈՑ ԲԱՆԱԿԻՑ թող չխոսի: